Погледнете како Лукаку го имитираше Доналд Трамп (ВИДЕО)

Белгискиот репрезентативец Ромелу Лукаку се погрижи да остане запаметен по синоќешниот натпревар на неговата селекција против САД во осминафиналето на Светското првенство.

„Црвените ѓаволи“ во Сиетл убедливо ги совладаа САД со 4:1 и се пласираа во четвртфиналето, каде што ќе се соочат со Шпанија.

Искусниот напаѓач влезе во игра во 67. минута, а во судиското продолжение го постигна четвртиот гол и ја потврди победата на Белгија. По погодокот, неговата прослава стана вирална бидејќи го имитираше американскиот претседател Доналд Трамп.

YMCA:

Romelu Lukaku vs. Donald Trump pic.twitter.com/HpsesCxQwg

— nonleggerlo (@nonleggerlo) July 7, 2026

Лукаку дотрча до трибините, ги стави рацете на ушите како знак дека „не слуша“, а потоа заедно со соиграчите го одигра препознатливиот танц поврзан со Трамп.

Натпреварот, сепак, остана во сенка на контроверзи, откако ФИФА, според наводите во текстот, под притисок од американскиот претседател Доналд Трамп, ја укинала суспензијата на американскиот напаѓач Фоларин Балогун.

Балогун доби црвен картон на натпреварот против Босна и Херцеговина, но суспензијата му била одложена, што му овозможило да настапи против Белгија. Сепак, ниту неговото присуство не беше доволно за да го спречи поразот на американската репрезентација.