Погледнете како моментално изгледа Камп Ноу, Лапорта потврди дека е подготвен за враќањето на Барселона

Претседателот на Барселона, Жоан Лапорта, најави дека Камп Ноу наскоро треба да биде подготвен за одржување на натпревари.

Лапорта во понеделник беше во Париз на доделувањето на Златната топка, а во денешното интервју за радиото Catalunya Ràdio објасни каква е состојбата со славниот стадион.

„Ги исполнивме сите потребни процедури, веќе доставивме потврда за завршување на работите“, рече Лапорта, иако градскиот совет треба да издаде дозвола, но сè уште нема точен датум кога тоа може да се случи.

„Стадионот е подготвен, како што веќе рекоа шпанската Ла Лига и УЕФА. Меѓутоа, не сакам да вршам никакво притисок бидејќи овие процеси одземаат време, а сега градскиот совет има конечна одлука“, изјави тој.

Барса ќе го отвори Камп Ноу повторно во три различни фази, дозволувајќи различен број гледачи во секоја фаза.

„Првата фаза со капацитет од 27.000 гледачи е завршена, како што ни рекоа градежниот тим, агенцијата за сертификација и градежниот одбор“, рече Лапорта.

Се надева дека градскиот совет брзо ќе одлучи за дозволата за активности, за стадионот да може да го прими првиот натпревар на обновениот Камп Ноу.

Сепак, сè уште нема точен датум кога Барселона ќе се врати на славниот стадион, додека потврдија дека натпреварот од Лигата на шампионите против Пари Сен-Жермен ќе се игра на Монжуик на 1 октомври.