Поранешниот француски репрезентативец се степал со тренерот и добил отказ од Монпелје

Поранешниот фудбалер на Пари Сен Жермен, Ливерпул и Кристал Палас Мамаду Сахо (33) добил писмо од Монпелје, десет дена откако имал физички конфликт со тренерот.

Клубот и искусниот стопер се согласија дека разделбата е најдоброто решение, па Сако сега е слободен да избере нова средина.

Според француските медиуми, Сако го нападнал тренерот Мишел Дер Закаријан на неодамнешниот тренинг на првиот тим, го грабнал и го соборил на земја.

„Завршија на земја, мораа да се разделат, тепачката продолжи во соблекувалната. Сако бурно реагираше откако му рекоа дека е „плакач“. Го фати тренерот за јака и го фрли на земја.“ напиша „Екип“ .

Поранешниот француски репрезентативец настапува за Монпелје од 2021 година.

Монпелје вечерва му гостува на Пари Сен Жермен во 11. коло од француската Лига 1.