Поранешниот играч на Тотенхем во проблеми поради дрога се соочува со затворска казна

Поранешниот играч на Тотенхем, Крис Армостронг е во големи проблеми.

Фудбалерот кој најголемиот дел од кариерата го мина во Спарс би можел да биде зад решетки.

Како што пренесуваат англиските медиуми, на Армострон му се заканува затвор поради тепачка во супермаркет минатата година, кога прво го удрил работникот по лицето, а потоа и го шутирал откако тој му рекол дека не може да купи цигари.

Тој потоа беше уапсен.

„Стана агресивен откако му кажаа дека не може да купи цигари. Тој го удри работникот прво со тупаница, а потоа со нога откако падна на подот“, пишува во обвинението потпишано од обвинителот Нејтан Фулер.

Не можел да набави цигари бидејќи продавницата била привремено затворена, а работниците биле на пауза. Но, насилно влегол внатре и направил инцидент и штета од 2.000 фунти.

Chris Armstrong is doing well for himself 😳 https://t.co/hgQsXmdWo3

— Andy Crick (@NewsManAndy) January 27, 2022

Последниве години беше на другата страна на законот, има проблеми со дрогата, а во 2016 година беше уапсен поради поседување кокаин и екстази.

Да потсетиме, во 1995 година стана првиот фудбалер кој падна на допинг тест, а во 2005 година ја заврши играчката кариера.