Потврдено – Зидан залудно отфрли се, се уште ја чека работата од соништата!

Дидие Дешан и во Катар покажа дека е најдобар човек за клупата на Франција.

Дешан ја одведе својата селекција до второто последователно полуфинале, ќе видиме дали и тие ќе стигнат до ново финале, секако на хартија се огромни фаворити во однос на Мароко, но тука беа и Шпанија и Португалија.

И без неколку клучни играчи како Погба, Канте, Бензема и Лукас Ернандез, Дешамп ја донесе Франција на прагот на ново финале и заслужено ја доби довербата на Федерацијата.

„La parisien“ денеска пишува дека е донесена конечната одлука и дека Дешамп ќе биде селектор на Европското првенство во Германија во 2024 година.

Тоа значи дека дефинитивно беше отфрлена можноста Зидан да го наследи Дешамп по Мундијалот, што многумина го гледаа како идеално сценарио. Зидан поради клупата на репрезентацијата ги одби Манчестер Јунајтед, ПСЖ и Челзи, но по се изгледа залудно ја чекаше работата од соништата.

Французите веруваа дека Дешамп ќе си замине дури и ако повторно го освои Светското првенство, бидејќи направи се што можеше откако во 2012 година дојде на клупата наместо Лоран Блан.

Не треба да заборавиме дека Дешамп со Франција играше и во финалето на ЕП 2016 во Париз, кога Португалија му го украде посакуваниот трофеј, а ја освои и Лигата на нации во 2021 година.

Тој целосно заслужи да остане селектор и да се обиде да го освои Европското првенство, што и да се случи во Катар до крајот.