Познато е каква откупна клаузула има Де Лихт во договорот со Јувентус

Неодамна се шпекулираше дека Матијас де Лигт би можел да го напушти Јувентус на крајот од оваа сезона.

Де Лигт пристигна кај Старата дама како големо засилување од Ајакс пред две години, но не е премногу задоволен од резултатите на клубот од Торино.

Пред неколку дена во италијанските медиуми се појавија шпекулации дека Де Лихт сака да замине во Барселона и дека наводно жали што не го сторил тоа пред две години.

Во тоа време, Холанѓанецот беше на чекор од Барселона, но тој реши да потпише за Јувентус. Истакнатиот новинар Фабрицио Романо објави дека е тешко да се очекува Де Лихт да го напушти Јувентус на лето.

Тој откри дека Холанѓанецот има откупна клаузула од 150 милиони евра во договорот, која ќе биде активна летото 2022 година. Јувентус сега не сака да го продаде бидејќи тој е еден од најважните играчи и скоро е сигурно дека ќе го гледаме во дресот на Старата дама и следната сезона.

Matthijs de Ligt has a release clause into his contract with Juventus [around €150m]. But it’s gonna be valid only starting from July 2022, as Erling Haaland clause with Borussia Dortmund. Juventus want to keep de Ligt this summer, he’s considered as key player. 🔴🇳🇱 #Juventus

— Fabrizio Romano (@FabrizioRomano) April 5, 2021