Пресвртот на Ливерпул во режија на Нуњез, Џонс и Гакпо
Фото: Soccer Football – Carabao Cup – Semi-Final – First Leg – Liverpool v Fulham – Anfield, Liverpool, Britain – January 10, 2024 Liverpool’s Cody Gakpo celebrates scoring their second goal with Curtis Jones and Darwin Nunez REUTERS/Carl Recine NO USE WITH UNAUTHORIZED AUDIO, VIDEO, DATA, FIXTURE LISTS, CLUB/LEAGUE LOGOS OR ‘LIVE’ SERVICES. ONLINE IN-MATCH USE LIMITED TO 45 IMAGES, NO VIDEO EMULATION. NO USE IN BETTING, GAMES OR SINGLE CLUB/LEAGUE/PLAYER PUBLICATIONS. – UP1EK1A1O0TDU
Фудбалерите на Ливерпул го совладаа Фулам на „Енфилд“ и по пресврт победија со 2:1 во првиот натпревар од полуфиналето на Лига купот.
Во другото полуфинале, Мидлсброу во вторникот беше подобар од Челзи.
Дуелот беше отворен со шанса за домашните, но Бернд Лено одлично реагираше на полу-киксот на Конор Бредли во осмата минута.
И гостите го водеа патот. Се играше 19. минута кога избраниците на Марко Силва направија добар потег. Андреа Переира упати добра топка во шеснаесетникот, а Вилијан без многу мака ја упати во мрежата.
Двата тима пропуштија неколку шанси, а потоа Ливерпул направи брз пресврт.
Во 68. минута Дарвин Нуњез проигрува покрај Куртис Џонс, кој без двоумење шутира и постигнува гол за израмнување.
Не поминаа ни три минути, а Нуњез се врати во улога на асистент. Овој пат извршител беше Коди Гакпо за пресвртот и победата на црвените.
На крајот избраниците на Јирген Клоп можеа да стигнат до далеку поубедлива победа, но промашија Диого Јота и Нуњез кои имаа четири добри прилики сами да погодат.
Реваншот е закажан за 24 јануари.
