Претседателот на Франција на наједноставен можен начин му честиташе на Бензема

Синоќа во Париз се одржа церемонијата на доделување на Златната топка.

Напаѓачот на Реал Мадрид, Карим Бензема ја освои престижната награда во главниот град на својата земја.

Веднаш почнаа да доаѓаат честитки од сите страни, а една од нив дојде од претседателот на Франција, Емануел Макрон.

Францускиот претседател искористи само пет знаци на Твитер за да му честита на Бензема. „KB9!“, напиша Макрон со емотикон со француско знаме.

KB9 ! 🇫🇷

— Emmanuel Macron (@EmmanuelMacron) October 17, 2022

Реал Мадрид му честиташе и на Бензема за освојувањето на првата Златна топка во кариерата.

👏 Y el ganador es… ¡@Benzema! 👏#ballondor pic.twitter.com/tNB8TyKhoF

— Real Madrid C.F. (@realmadrid) October 17, 2022

Бензема минатата сезона играше 46 пати во Реал Мадрид и постигна 44 гола со 15 асистенции. Го освои шпанското првенство и Суперкупот, како и Лигата на шампионите и според многумина, апсолутно заслужено ја освои оваа награда.