Фудбал
Проблем со срцето ја заврши професионалната кариера на поранешен играч на Ливерпул
![](https://sportm.mk/wp-content/uploads/2023/03/0393193001679083103_1929468_920x517.webp)
Поранешниот миленик на навивачите на Ливерпул , Лукас Леива, официјално објави дека се повлекува од професионалниот фудбал на 36-годишна возраст поради проблеми со срцето.
Играчот од средниот ред низ солзи објави дека одлуката ја донел по консултација со специјалист кој верувал дека најдобро би било да не го оптоварува дополнително срцето.
“Тоа беше тежок период за мене. Не завршува како што сакав. Имав надежи дека нема да биде така, но започнува нов циклус. Здравјето е на прво место. Можам само да изразам благодарност за целата моја кариера”, изјави Леива за медиумите.
Lucas Leiva anunciando sua aposentadoria, impossível não se emocionar 😢
Saúde e obrigado por tudo, LUCAS! pic.twitter.com/20QkHR7wsW
— 𝗕 𝗘 𝗥 𝗡 𝗔 ¹ ⁹ ⁰ ³ (@bernapoa2) March 17, 2023
Леива започна како професионалец во Гремио, каде ја заврши својата фудбалска авантура. Бразилецот играше и за Лацио. Фудбалерот може да се пофали и со 24 настапи со тимот на Селесао во периодот 2007-2013 година.