Проблеми пред големото дерби: Јувентус го одложи патувањето во Милано

Торинскиот Јувентус се бори со коронавирусот.

Италијанскиот шампион во последните неколку дена доби два случаи на инфекција во своите редови, а позитивни се Алекс Сандро и Хуан Куадрадо.

Вчера треска имаше и Пауло Дибала. Клубот е загрижен дека вирусот се прошири и затоа торинскиот клуб одлучи да го одложи вечерашното патување во Милано

Целиот тим и стручниот штаб вечерва повторно беа тестирани. Резултатите ќе пристигнат утре наутро, а доколку има дополнителни позитивни случаи, дерби натпреварот ќе биде под знак прашалник.

Дербито е закажано за утре на Сан Сиро од 20:45 часот.