Промени во распоредот на одредени натпревари од Премиер лигата

Имаше некои измени во распоредот на натпреварите од англиското првенство.

Откако беа забележани голем број случаи со коронавируси во Астон Вила, натпреварот на тимот против Тотенхем беше одложен.

Така, Тотенхем во среда (21:15 часот) ќе игра против Фулам, додека натпреварот помеѓу Фулам и Челзи беше преместен од петок во сабота во 18:30 часот.

Фулам и Тотенхем првично требаше да го одиграат својот натпревар на 30 декември, но тој натпревар беше одложен поради позитивните случаи во Фулам.

Преместен е и натпреварот на Астон Вила, кој ќе се игра викендов. Вила ќе игра против Евертон во недела во 13 часот, наместо во сабота.