Против Викинг на терен со вештачка трева, тренерот Компани презема неочекуван потег со тимот

Пред следниот натпревар на гости во Норвешка против Викинг ФК во Лигата на шампионите, тренерот на Баерн Минхен, Винсент Компани, презеде невообичаена мерка во програмата на тимот.

За разлика од вообичаената практика за меѓународни натпревари на гости, германските шампиони нема да ја одржат последната тренинг-сесија на „Зебенер Штрасe“ во Минхен, туку ќе тренираат директно на норвешко тло, на теренот на противникот.

Причината за оваа одлука е поврзана со специфичните услови на теренот на Викинг. Компани го објасни овој потег врз основа на неговото искуство како играч и потребата да се приспособат на површината за игра.

„Во 20 години од мојата кариера, никогаш не сум играл на вештачка трева. Затоа, подобро е да тренираме таму еднаш и да знаеме кои копачки треба да ги користиме“, рече белгискиот тренер.

Тој нагласи дека, и покрај непознатите услови, тимот ќе му пристапи на натпреварот со вообичаениот менталитет.

„Без разлика дали сме во Америка или во Норвешка, без разлика дали е сончево или не: тоа не е важно. Сакаме да бидеме Баерн секаде. Сакаме да собереме што е можно повеќе информации пред натпреварот во Норвешка“, објасни Компани.