ПСЖ гради моќен тим, Донарума следната сезона ќе го гледаме во Париз

Џанлуиџи Донарума (22) ќе стане новиот голман на француски ПСЖ.

Истакнатиот италијански новинар Фабрицио Романо вечерва објави дека ПСЖ е многу близу до потписот со Донарума.

Според него, клубот од Париз прави се за да се заврши работата што е можно побрзо и веќе се закажани лекарски прегледи во таборот на италијанската репрезентација.

PSG are now close to sign Gianluigi Donnarumma. The agreement is ‘imminent’ – PSG working to complete the deal soon, already planning for medicals in Italy NT camp. 🇫🇷 #PSG @DiMarzio @SkySport

Interest but still no bid from Barça and Juve – Szczesny and ter Stegen are staying.

— Fabrizio Romano (@FabrizioRomano) June 7, 2021

Донарума ќе дојде во ПСЖ како слободен агент, и тој ќе стане второто засилување на клубот по Вајналдум.

Италијанскиот чувар на мрежата ќе потпише петгодишен договор вреден 12 милиони евра по сезона.

Донарума целата своја кариера ја помина во Милан. Тој застана меѓу стативите на 16-годишна возраст и од тој момент не ја испушти позицијата прв голман.

За Милан одигра вкупно 251 натпревар, од кои 215 во Серија А.