Ракометарките на Куманово шампионки во кадетска конкуренција

Ракометарките на Куманово го освоија трофејот во кадетска конкуренција по победата над Вардар Јуниор од 28:19 во финалетона Ф4 турнирот одржан викендот во Куманово.

По завршувањето на финалето, доделени беа и индивидуалните признанија за најдобар играч и најдобар стрелец и најдобар голман, а избран беше и ALL STAR тимот на турнирот.

Признанието за најдобар стрелец го доби Ивана Затуроска од ЖРК Стружанка со постигнати 21 гол, за најдобар голман беше прогласена Андреа Илиќ од ЖРК Вардар, додека престижното признание за МВП на турнирот го доби Мила Трајковиќ од ЖРК Куманово.

Ол стар тим:
Голман: Андреа Илиќ (ЖРК Вардар Јуниор)
Лево Крило: Теодора Домазетоска (ЖРК Стружанка)
Лев Бек: Милица Николиќ (ЖРК Вардар)
Среден Бек: Ивана Затуроска (ЖРК Стружанка)
Десен Бек: Тамара Ивановска (ЖРК Куманово)
Десно Крило: Јована Кипријановска (ЖРК Куманово)
Пивот: Сара Цветановска (ЖРК Куманово).