Реал дава 150 милиони евра за Белингем?
Фото: DORTMUND, GERMANY – APRIL 22: Jude Bellingham of Dortmund celebrates after scoring his teams first goal during the Bundesliga match between Borussia Dortmund and Eintracht Frankfurt at Signal Iduna Park on April 22, 2023 in Dortmund, Germany. (Photo by Lars Baron/Getty Images)
Џуд Белингем е голема желба на Реал Мадрид и актуелниот европски шампион ќе направи се за да го доведе младиот играч за врска во своите редови.
Според Transfermarkt, 19-годишниот Англичанец кој настапува за Борусија Дортмунд вреди 120 милиони евра.
Марка вели дека челниците на Реал отпатувале во Германија за да го убедат Белингем на трансфер. И Ливерпул го посакува одличниот играч за врска, но се смета дека Реал моментално е најреална опција за него. Марка додава дека во Реал се убедени дека Белингем ќе биде нивни играч од следната сезона.
Англичанецот не ги разгледувал предлозите од други клубови, а Реал Мадрид постојано е во контакт со менаџерите на Белингем и Борусија Дортмунд. Се очекува Реал Мадрид да плати околу 150 милиони евра за 19-годишниот фудбалер. Белингем пристигна во Борусија летото 2020 година, а денес е еден од најдобрите играчи од средниот ред во светот.
Трансферот на Белингем треба да го надмине оној на Енцо Фернандез во јануари. Челзи за Аргентинецот и плати на Бенфика 121 милион евра, а Реал е подготвен да ја надмине таа цифра во оваа операција.
