„Роналдо е најдобриот со кој сум работел, но соблекувалната често мирисаше на алкохол“

Легендарниот италијански стручњак Фабио Капело тврди дека никој не создал повеќе проблеми во неговата кариера од познатиот бразилски напаѓач Роналдо.

Капело и Роналдо работеа во Реал Мадрид шест месеци во сезоната 2006/2007, а Италијанецот немаше мир со Роналдо кој сакаше да излегува во ноќни клубови и пијан заминуваше на тренинзи.

Барем тоа е тврдењето на италијанскиот стручњак кој ја освои шампионската титула во Шпанија со Реал таа година. Сепак, иако имаше проблеми со него, за Капело нема сомнение дека Роналдо е најталентираниот фудбалер што го водел досега.

„Најталентираниот фудбалер со кој сум работел е Роналдо“, изјави Капело за „Скај Спорт“ и продолжи:

“Но, во исто време, тој исто така беше играч кој ми создаваше најмногу проблеми во соблекувалната. Тој играше и правеше се што не требаше да направи. Руд ван Нистелрој еднаш ми рече: “Тренер, соблекувалната смрди на алкохол”, вели Капело.

Тој тврди дека Реал започна серија победи кога Роналдо замина во Милан.

„Роналдо замина во Милан и ние почнавме да победуваме. Сепак, ако зборуваме само за најталентираниот фудбалер досега, тој е тој, без никакви дилеми“.

Роналдо играше за Реал Мадрид од 2002 до 2007 година и во тој период постигна 104 голови на 177 настапи и освои една титула во шпанската лига.