Се е договорено: Севиља носи големо засилување од Баерн
Летниот преоден рок е при крај, но сигурно ќе има повеќе возбудувања до самиот крај.
Фудбалскиот пазар и денеска е многу интересен, а во морето шпекулации се појавија информации дека Севиља договорила големо засилување од Баерн Минхен.
Шпанскиот клуб постигна договор со Баварците околу трансферот на младиот дефанзивец Тангуј Нијанзу, кој кариерата ќе ја продолжи во дресот на Севиља.
Фабрицио Романо објави дека трансферот е веќе договорен и дека сега се чека само официјална потврда на овие клубови. Закажани се лекарски прегледи, а во наредните денови Нијанзу и официјално ќе биде претставен во Севиља.
Овој 20-годишен дефанзивец ќе потпише договор со Севиља до летото 2027 година, а Баерн од оваа продажба ќе заработи околу 20 милиони евра.
Tanguy Nianzou to Sevilla, done deal confirmed and here we go! Bayern will receive €20m fee and buy-back clause will also be included. Medical already booked 🚨⚪️🔴 #Sevilla
Contract will be valid until 2027. Exclusive news confirmed.
Kehrer to West Ham, Nianzou to Sevilla. pic.twitter.com/PZvXxxPt6h
— Fabrizio Romano (@FabrizioRomano) August 16, 2022
Ова е одлична зделка за Баерн со оглед на тоа што младиот Французин го доведоа бесплатно пред две години откако му истече договорот со ПСЖ од каде што потекнува Нијанзу.
Нијанзу во претходните две години одигра 28 натпревари во дресот на германскиот клуб на кои постигна еден гол и забележа една асистенција.
Со Баерн освои две шампионски титули на Германија и два германски Суперкупа, додека со ПСЖ освои и една шампионска титула на Франција.
