Се е договорено: Шкринијар оди во ПСЖ
Заврши трансфер сагата околу дефанзивецот на Интер, Милан Шкринијар. Словачкиот репрезентативец дефинитивно кариерата ќе ја продолжи во Пари Сен Жермен.
Сепак, тоа не беше ни дилема. Одамна е јасно дека Шкринијар има договор со парижаните. Прашање беше само кога ќе се пресели во Париз, дали сега во јануари, што значи дека Интер ќе добие некакво обештетување, или во јуни како слободен играч.
Конечно, поочекуваната варијанта – во јуни. Наводно, Пари Сен Жермен бил подготвен да го откупи договорот на Словакот во јануари. Меѓутоа, кога Интер изјави дека бара 20 милиони евра, парижаните се откажаа и решија да го доведат капитенот на „нероаѕурите“ без обештетување еден месец подоцна.
Milan Škriniar has already signed as Paris Saint-Germain player — it’s 100% done for June 2023 on a free transfer, here we go 🚨🔴🔵 #PSG
Paris Saint-Germain have submitted an opening bid to anticipate Škriniar deal in January but Inter want €20m fee.
Talks will continue soon. pic.twitter.com/H1nIXbwbjt
— Fabrizio Romano (@FabrizioRomano) January 28, 2023
Деталите се уште не се познати, но се шпекулира дека Шкринијар би можел да инкасира до девет милиони евра годишно, што е три милиони повеќе отколку што Интер бил подготвен да му понуди. Шкринијар дојде во Интер во 2017 година од Сампдорија и одигра 242 натпревари за Нероаѕурите во сите натпреварувања и постигна 11 голови.
