„Секој знае дека сум обожавател на Реал Мадрид, но сакам Меси да остане во Барселона”.

Лионел Меси беше главна тема на фудбалската јавност претходните денови откако објави дека ќе ја напушти Барселона.

Меси официјално побара од клубот да ја прекине соработката затоа што не беше задоволен од сработеното од челниците на клубот, а особено беше разочаран по срамот во Лигата на шампионите и поразот од Баерн со 8:2.

Секако никој не веруваше дека Меси може да игра во кој било друг клуб освен во Барселона, но сега тоа е многу реална опција. Но, напуштањето би било огромна загуба за клубот, но и за целата Ла Лига.

За сите настани проговори и легендарниот играч на Реал Мадрид, Фернандо Редондо, кој рече дека се надева оти Меси ќе остане во каталонскиот клуб.

“Едвај чекам да го видам крајот на оваа приказна и се надевам дека Меси ќе остане. Сите знаат дека сум обожавател на Реал Мадрид, но ја почитувам Барселона и се надевам дека Меси ќе остане таму. Би било страшна загуба за Ла Лига да оди по Роналдо и Меси “, рече Редондо.