Селекторот на Сенегал разочаран: „Резултатот не ја отсликува ситуацијата на теренот“

Селекторот на Сенегал, Алиу Сисе, по поразот од Холандија изјави дека играта била „на високо ниво и многу изедначена“, но дека е разочаран од резултатот.

Сенегал е поразен од Холандија со 0:2, во натпреварот од првото коло од групата А на Светското првенство.

„Тоа беше натпревар на високо ниво, многу комплициран и доста избалансиран. Резултатот не ја одразува состојбата на теренот. Горд сум на моите момци. Останува да се подготвиме за следниот натпревар. Кога ќе го загубите првиот натпревар, вториот натпревар станува финален “, рече Сисе на прес-конференцијата.

Во следниот натпревар Сенегал игра против Катар.

„Натпреварот против Катар е пресвртница за нас. Создадовме добри шанси и мораме да продолжиме така. Натпреварот против Катар ќе биде многу тежок, но мораме да го добиеме“, додаде Сисе.