Сенегал без болениот селектор за мечот со Англија?

Селекторот на репрезентацијата на Сенегал, Алију Сисе би можел да го пропушти осминафиналето на Мундијалот со Англија.

Сисе како играч играше за Бирмингем и Портсмут, а сега е успешен како тренер на „лавовите“ – ги предводеше до првата титула на Африканскиот куп на нации, а сега Сенегал мина групата на Светското првенство, прв пат од 2002 година.

Сепак, Сисе не беше на прес-конференцијата во саботата, пред пресметката со Англија, ниту на тренингот во петокот.

„Тој е болен веќе неколку дена“, рече помошникот Реџис Богарт, кој го пополни Сисе на конференцискиот повик.

„Ни дозволи да тренираме во петок, секако со негови инструкции. Се надевам дека ќе дојде и ќе биде на клупата со играчите. Има треска, мораме да внимаваме“, додаде Богарт.

Натпреварот Англија – Сенегал започнува во 20 часот, а во четвртфиналето победникот од тој меч ќе игра со подобриот од дуелот Франција – Полска (од 16 часот).