Серија А го обвини Интер дека одби да игра против Јувентус во понеделник

Шефот на Серија А, Паоло Дал Пино, инсистираше на тоа дека Интер во понеделник остро одби да игра против Јувентус. Тој го повика синиот клуб да преземе одговорност и да не зборува за нарушување на лигата.

Одлуката за одложување на пет натпревари во Серија А – вклучително и италијанското дерби меѓу Јуве и Интер – за 13 мај, предизвика бура негативни коментари на социјалните мрежи бидејќи во четвртокот беше решено дербито да се игра во недела зад затворени врати поради коронавирусот.

Газдата на Интер, Бепе Марота изјави дека Серија А ги презакажала натпреварите без да ги извести клубовите, создавајќи неуредна листа на натпревари и последователно да ја менува целата сезона.

Но, Дал Пино излезе со поинаква верзија од онаа на Марота.

„Во петок, генералниот менаџер Де Сиерово и јас му предложивме на Интер идеја за презакажување на натпреварот против Јувентус во понеделник вечер, со цел да играт пред публиката“, рече Дал Пино.

„Интер категорично одби да излезе на теренот. Затоа, тие мора да преземат одговорност за сопствените одлуки и да не зборуваат за не-спортски ситуации или нарушување на лигата“, додаде тој.