Севиља со десет играчи го победи Еспањол

Фудбалерите на Севиља се пробија на второто место на табелата во Примера, откако во седмото коло го победија Еспањол со 2:0. Домашниот тим дојде до триумфот со десет играчи, бидејќи Томас Дилејни беше исклучен во 66. минута поради втор жолт картон.

Севиља целосно ја контролираше ситуацијата во текот на првото полувреме. Имаше повеќе време во посед на топката, а од 13. минута водеше постигнувајќи го голот на Јусуф Ен Несири.

📸🥶 @ennesyri9 #SevillaFCEspanyol pic.twitter.com/c5Z2pHNCBz

— LALIGA English (@LaLigaEN) September 25, 2021

Гостите беа среќни во 25. минута, кога Раул де Томас ја затресе мрежата на домашниот тим. Сепак, ВАР покажа дека голот треба да се поништи поради офсајд.

Од 66. минута, Севиља имаше играчи помалку. Томас Дилејни беше исклучен поради втор жолт картон и приговор до судијата.

Еспањол продолжи да се обидува да преземе иницијатива, но домашниот тим не се предаде. Победата на Севиља ја потврди Рафа Мир со гол во 87. минута.

Севиља е втора на табелата со 14 бода од шест натпревари. Еспањол е на 15 -та позиција со шест бода.

📸 🔥

⚪️ #SevillaFCEspanyol 🔵 2-0 (90+5´)#WeareSevilla #NuncaTeRindas pic.twitter.com/OatIBk3wb5

— Sevilla Fútbol Club (@SevillaFC) September 25, 2021