Шкендија Арачиново го елиминираше Пелистер во Купот

Шкендија Арачиново, тим кој сезонава обезбеди пласман во Втората лига, го елиминираше Пелистер во Купот на Македонија славејќи со 1:0 во осминафиналето. Стрелец на единствениот гол беше Љамалари во 51-та минута.

На останатите мечеви, Силекс го совлада Башкими со 2:1, Работнички ја елиминираше Брегалница по изведувањето на пеналите, а Струга убедлива 5:0 против Македонија ЃП.

Утре Вардар ќе игра против Новаци, додека Шкендија од Тетово во ноември ќе игра против Тиквеш. Претходно Детонит Плачковица беше подобар од Беласица со 1:0, а Охрид го совлада Шкупи со 3:0.