Шкендија вечерва го игра реваншот против Карабах!

Фудбалерите на Шкендија вечерва го играат реванш дуелот од третото коло од квалификациите од Лигата на шампионите. Нивни домаќин е првакот на Азербејџан екипата на Карабах. На прес конференцијата тренерот на тетовчани Јетон Беќири изјави:

– Очекувам уште еден тежок натпревар. Карабах е квалитетен состав. Ние ќе дадеме максимум и ќе се обидеме да постигнеме гол. На првиот дуел нашиот противник беше подобар ривал, а ние голот го примивме по наша грешка од пенал. На реваншот мора да бидеме поагресивни и повеќе да мислиме на напад.

Натпреварот Карабах – Шкендија се игра вечерва во Баку со почеток во 18 часот. Резултатот од првиот меч одигран во Скопје е 1:0 во корист на тимот од Азербејџан. Доколку Шкендија успее да го совлада и елиминира Карабах, ќе игра во плеј офот за пласман во групната фаза во ЛШ, а доколку не тогаш се сели во групната фаза во Конференциската лига на УЕФА.