Швајцарското обвинителство започна истрага против претседателот на ФИФА, Инфантино

Швајцарските обвинители започнаа кривична постапка против претседателот на Светската фудбалска федерација (ФИФА), Џани Инфантино, заради неговите тајни состаноци со генералниот обвинител на Швајцарија.

Состаноците меѓу швајцарскиот државјанин Инфантино и обвинителот Мајкл Лаубер се одржаа во 2016 и 2017 година, бидејќи швајцарските обвинители трагаат по случаи на корупција во ФИФА, вклучително и како Русија и Катар го освоија правото на домаќин на настанот за Светските првенства 2018 и 2022, соодветно.

И Инфантино и Лаубер негираа какви било престапи, пренесува РЕЛ.

Но, Стефан Келер, специјалниот обвинител кој беше назначен минатиот месец да ги разгледа кривичните пријави против двајцата мажи и други, откри дека „има знаци на криминално однесување“, рече швајцарскиот орган кој ја надгледува канцеларијата на јавниот правобранител.

Потенцијални нарушувања вклучуваат, „злоупотреба на службената должност, повреда на службената тајна, помош при помали прекршоци и поттикнување на вакви активности“.

За Келер се вели дека бара парламентарно одобрување да се откаже правниот имунитет на Лаубер за да може да се поведе кривична постапка против него.

ФИФА е со седиште во швајцарскиот град Цирих.

Лаубер ја понуди оставката минатата недела, се додека неговиот последен ден на работа ќе биде на крајот на август.

Инфантино беше реизбран со втор мандат како претседател на ФИФА минатата година, со ветувања за расчистување на организацијата на „токсична, скоро криминална“ ситуација за време на неговиот претходник, Жозеф Блатер.