Силекс славеше против Динамо Минск во Конференциската лига на УЕФА

Фудбалерите на Силекс вечерва на неутрален терен во бугарскиот град Стара Загора го совладаа Динамо Минск со 1-0 (1-0) и со гол предност ќе го пречекаат лидерот во белоруското првенство на реваншот идниот четврток во Скопје, во рамки на воведното квалификациско коло во Конференциската лига.

Новото летно засилување Есмир Хасукиќ му ја донесе победата на Силекс со гол од пенал во финишот на првото полувреме.

Освојувачот на македонскиот Куп одигра тактички одличен натпревар не дозволувајќи му на белорускиот тим посериозно да се закани во текот на целиот натпревар.

Својата добра игра во првите 45 минута Силекс ја круниса со водство во 42. минута кога најпрво Пановски беше фаулиран во шеснаесетникот, а Хусковиќ беше прецизен од белата точка.

Одбраната на Силекс делуваше сигирно во продолжението и ја зачува предноста пред реваншот што идниот четврток ќе се одигра на стадионот „Петар Милошевски“ во комплексот на ФФМ со почеток во 20 часот.

Победникот од пресметката меѓу Силекс и Динамо Минск за противник во второто квалификациско коло во Конференциската лига ќе го има Нефчи од Азербејџан