Со 40 години дебитираше на Светско, плачеше поради неговата мајка, а за 90 минути доби 1 милион следбеници – Кој е Возиња, голманот кој ги одбрани сите удари на Шпанија (ВИДЕО)

Еден од хероите на историското реми на Зелено’ртските Острови против Шпанија (0:0) на Светското првенство беше 40-годишниот голман Возиња, чие име на дресот привлече внимание на бројни гледачи ширум светот.

Мундијалите отсекогаш биле сцена за релативно непознати голмани да се истакнат. Така најпознато име е Гиљермо Очоа, а на ова првенство веќе добивме Австралиецот Бич и сега Возиња.

Сепак, малкумина знаат дека „Возиња“ всушност не е неговото вистинско име.

Голманот, чие полно име е Жозимар Жозе Евора Дијаш, целата своја кариера го носи прекарот Возиња, што може да се преведе како „глас“. Прекарот совршено му прилега на искусниот голман кој со години е еден од лидерите на репрезентацијата на Зелено’ртските Острови.

Vozinha, goleiro de Cabo Verde, mais uma bela história da Copa! Foi o melhor em campo no 0x0 contra a Espanha, uma das favoritas! Josimar é seu nome real, em homenagem ao lateral do Brasil que fez dois golaços na Copa de 1986, quando o goleiro nasceu há 40 anos. pic.twitter.com/R3yTBWRUAj

— Chico Alencar ☀️ (@depchicoalencar) June 15, 2026

Денес настапува во втората лига на Португалија, а приказната за неговиот необичен прекар започнува уште во детството на островот Сао Висенте.

Прекарот го добил поради своите баба и дедо. Не живеел со родителите – татко му служел војска, а мајка му многу работела, па пораснал кај баба и дедо.

„На почетокот не ми се допаѓаше, дури ме нервираше. Но кога дојдов во Ангола, во клубот веќе имаше голман по име Жозимар. Реков дека не сакам на дресот да пишува Жозимар II. Ако сите ме знаат како Возиња, така и ќе продолжам“, објасни тој.

Неговата долготрајност е импресивна – за репрезентацијата дебитирал пред 14 години и има над 80 настапи.

Иако има играно на неколку Африкански купови на нации, ова Светско првенство му е прво големо ФИФА натпреварување.

Против Шпанија покажа зошто е еден од најважните играчи, со неколку извонредни одбрани и клучна улога во историскиот бод на дебито на Зелено’ртските Острови.

Vozinha descobre em direto que ganhou mais de 1 milhão de seguidores 😂💙

(via @CazeTVOficial) pic.twitter.com/s5QatXCCuh

— B24 (@B24PT) June 15, 2026

Така стана најстариот голман во историјата на Светските првенства кој ја сочувал мрежата. За време на натпреварот добил над милион следбеници на Инстаграм – бројка што и понатаму расте.

Со оглед на тоа што во групата Х се наоѓаат и Уругвај и Саудиска Арабија, Возиња ќе има уште многу работа, а ако ја повтори оваа форма, може да стане една од најубавите приказни на првенството. Тој воедно откри дека плачел по мечот, бидејќи неговата мајка не добила виза и не можела да допатува на ова Светско првенство.