Собир на македонските репрезентативци, фудбалерите почнаа да пристигнуваат (ФОТО)

Почна собирот на македонската фудбалска репрезентација. Во „базата“ во хотелот „Хилтон“ почнаа да пристигнуваат репрезентативците, меѓу нив Барди, Трајковски, Муслиу, Костадинов, како и дебитантот Елмин Растодер од швајцарски Тун.

Македонија прво ќе одигра контролен натпревар против Саудиска Арабија (4. септември, стадион „Викторија Жишков“, Прага), а потоа против Лихтенштајн (7. септември, Национална арена „Тодор Проески“)  квалификации за Светско првенство 2026.