Солскјер го изедначи рекордот на Базби

Оле Гунар Солскјер го повтори рекордот на Мет Базби, откако ја забележа петтата победа во првите пет натпревари по поставувањето на тренерското место во Манчестер јунајтед.

„Црвените ѓаволи“ денес го победија Рединг со 2:0 во 1/32 финалето на Купот на Англија.

Норвежанецот на 19 декември го наследи Жозе Мурињо на клупата на Јунајтед и оттогаш со клубот оствари максимални пет победи.

Претходно, Манчестер јунајтед во Премиер лигата под водство на Солскјер досега ги победи Кардиф (5:1), Хадерсфилд (3:1), Бурнемут (4:1) и Њукасл (2:0).