СП 2026: 289 фудбалери не играат за репрезентации на земји во кои се родени, само осум селекции ќе имаат тим од играчи родени во својата држава!

На ова Светско првенство ќе настапат дури 289 играчи кои не играат за земјата во која се родени, а само осум репрезентации ќе имаат составен тим исклучиво од играчи родени на територијата на својата држава. Тоа се: Бразил, Јужна Африка, Чешка, Колумбија, Саудиска Арабија, Австрија, Шведска и Панама.

Голем број играчи родени во Франција настапуваат за други репрезентации, како што се оние на Тунис, Хаити, Сенегал, Брегот на Слоновата Коска и други африкански држави.

Има и екстремни примери. Така, репрезентацијата на Курасао е составена речиси целосно од играчи родени надвор од земјата, со исклучок на Тахит Чонг. Курасао може да се пофали главно со играчи од Холандија, чија поранешна колонија бил.

Босна и Херцеговина има играчи родени во Србија, Австрија, Хрватска, Германија, Шведска, САД, Данска, Словенија и Швајцарија. Хрватите имаат играчи од дијаспората родени во Германија, Австрија, Швајцарија и БиХ. Германците го имаат Валдемар Антон, роден во Узбекистан; Англичаните го имаат Марк Гехи, роден во Брегот на Слоновата Коска; Јапонците го имаат Дион Сузуки, роден во САД; за Шпанија настапува Ајмерик Лапорт, роден во Франција, а Аргентинците ги имаат Нико Паз, роден во Шпанија, и Ѓулијано Симеоне, роден во Италија.

🌎 En esta Copa Del Mundo, habrá 289 jugadores que NO REPRESENTARÁN a su país de nacimiento en el Mundial.

📸 @Jaimefmacias pic.twitter.com/WQgxiyPYxJ

— 🥊𝕳 BARRAS DEL MUNDO ⚽🍺 (@Barras_LATAM) June 2, 2026