Спектакл во Лигата на шампионите: Ливерпул и Реал на „Енфилд“, ПСЖ против Баерн

Ново коло од групната фаза на Лигата на шампионите се игра вечерва на стадионите ширум Европа, а навивачите ќе можат да гледаат две вистински фудбалски мега пресметки.

Најголемо внимание привлекува класикот на европскиот фудбал меѓу Ливерпул и Реал Мадрид, кој се игра на „Енфилд“ од 21 часот, а во центарот на вниманието ќе биде Трент Александер-Арнолд.

За Александер-Арнолд ова ќе биде прво враќање на „Енфилд“ откако летово го напушти клубот во кој порасна и стекна слава, па ќе биде интересно да се види каков пречек ќе му подготват навивачите на „црвените“.

Реал Мадрид во подобра позиција го дочекува овој меч од 4. коло, бидејќи моментално има совршен учинок — три победи од три натпревари, додека Ливерпул има две победи и еден пораз.

Спектакл не очекува и на „Паркот на принцовите“, каде што актуелниот европски шампион ПСЖ ќе го пречека минхенски Баерн.

Станува збор за дуел на два тима што се на самиот врв на табелата по три одиграни кола — ПСЖ е лидер, а Баерн е второпласиран со ист број бодови и иста гол-разлика, но „Светците“ се пред нив благодарение на еден постигнат гол повеќе.

Лондонски Арсенал, кој исто така има максимални девет бодови, има на хартија лесно гостување кај Славија во Прага, каде што ќе се обиде да стигне и до четвртата победа.

Целосниот распоред на вечерните натпревари, кои можете да ги следите на каналите на „Арена Спорт“, погледнете подолу.

Лига на шампиони, 4. коло:
18:45 — Наполи – Ајнтрахт Франкфурт

18:45 — Славија Прага – Арсенал

21:00 — Атлетико Мадрид – Ројал Унион

21:00 — Бодо/Глимт – Монако

21:00 — Јувентус – Спортинг

21:00 — Ливерпул – Реал Мадрид

21:00 — Олимпијакос – ПСВ

21:00 — ПСЖ – Баерн

21:00 — Тотенхем – Копенхаген