Спектакуларна атмосфера во Битола, Пелистер со гол во 92-та минута го совлада Вардар

Фудбалерите на Пелистер со гол во судиското продолжение триумфираа вечерва во Битола во дербито против вечниот ривал Вардар со 1-0 во завршниот натпревар од 13 коло во Првата македонска фудбалска лига (ПМФЛ).

 

 

Во спектакуларна атмосфера и пред бројна публика на стадионот „Петар Милошевски“, која одамна е раритет на натпреварите во македонското првенство, Пелистер до победата дојде со голот на капитенот Мирко Ивановски во втората минута од судиското продолжение.

Табела: Работнички 25, Шкендија 24, Силекс 24, Гостивар 24, Струга 22, Шкупи 16, Пелистер 16, Брера 15, Беса 12, Воска 11, Тиквеш 9, Вардар 8.