Стигна Халанд, а Габриел Хесус ги спакува куферите: Бразилецот останува во Англија и прави голем трансфер

Манчестер Сити вчера и официјално потврди дека Ерлинг Халанд ќе го засили овој клуб на крајот од сезоната.

Половина Европа се обиде да го донесе Халанд на крајот од сезоната бидејќи има откупна клаузула од 75 милиони евра, но Норвежанецот на крајот реши да го избере Манчестер Сити.

Граѓаните вчера на официјалната веб-страница потврдија дека се е договорено со Халанд и дека на крајот од сезоната и официјално ќе биде претставен како ново засилување на англискиот клуб.

Тоа значи дека Сити најверојатно ќе се ослободи од еден од напаѓачите во тимот, а англиските медиуми наведуваат дека речиси сигурно тоа ќе биде Габриел Хесус. Бразилецот е свесен дека во наредната сезона нема да ја има минутажата вообичаено и е решен да најде нов клуб.

Неговата желба е да остане во Премиер лигата и како што стојат работите тоа на крајот ќе се случи. За него интерес покажаа неколку клубови, но најконкретен е Арсенал кој веќе ја започна акцијата.

„Топчиите“ стапија во контакт со неговиот менаџер и јасно ставија до знаење дека сакаат да го видат Габриел Жесус на „Емирати“ и дека тој е првата желба на Микел Артета во летниот преоден рок.

Како што потврди Фабрицио Романо, лондонскиот клуб веќе го направил првиот чекор, а се очекува наскоро да испратат и официјална понуда за Хесус. Наводно, Бразилецот нема ништо против да замине во Арсенал, кој беше најпријатното изненадување во Премиершип оваа сезона.

Неговиот трансфер секако би го олеснил пласманот на Арсенал во Лигата на шампионите, за кој Топџиите се уште се борат и се во одлична ситуација.