Тајни преговори во Барселона, европскиот шампион на чекор до потпис!

Барселона тајно работи на уште една голема работа, но се уште не е познато дали успеала да го убеди играчот да дојде.

Антонио Рудигер би можел да биде уште еден дефанзивец на Челзи кој на лето ќе патува во Барселона. Андреас Кристенсен веќе прифати да дојде како слободен играч, а се чини дека тоа би можел да го направи и германскиот репрезентативец.

Тој е слободен летово и веќе одби неколку понуди од Челзи, кој поради санкциите кон Роман Абрамович не може да му понуди нов договот, па сега ги слуша понудите од другите тимови, а најблиску е до трансфер во Барселона.

Неговиот агент Сахр Сенесие во средата се сретна со спортскиот директор на Барселона, Матеу Алемани и неговиот заменик Жорди Кројф во ресторан во Барселона, а тајните разговори траеја речиси три часа.

Шпанскиот клуб е спремен да му даде на Рудигер колку што може, но тоа е помалку од она што на Германецот во моментов му го нудат некои други екипи, побогати од Барса.

🚨Exclusive #Rüdiger: Secret negotiations in Barcelona! On Wednesday night Alemany, Cruyff & ARs agent Senesie met in the hotel „The Barcelona Edition“. The appointment went three hours. Barca wants Rüdiger as a free agent! @SkySports @Sky_Marc #CFC pic.twitter.com/6VNAhvSm62

— Florian Plettenberg (@Plettigoal) March 31, 2022

Она за што се залага Барселона е фактот што играчот сака да игра на Камп Ноу и наводно по импресивната игра против Реал Мадрид и победата на Каталонците од 4:0, веднаш му рекол на агентот да започне преговори со се поуспешниот тим предводен од Чави.

Претставниците на Рудигер, исто така, остануваат во дијалог со другите врвни европски клубови, вклучувајќи ги Реал Мадрид и Пари Сен Жермен, но се верува дека Барселона е во најдобра позиција да го доведе.

Клубот веќе успеа орално да потпише со Франк Кесие кој доаѓа од Милан како слободен играч, доаѓа Кристенсен од Челзи, а покрај него и Рудигер од Лондон во Барселона би можел да отпатува и искусниот Шпанец Цезар Аспиликуета. Ова може да биде навистина прекрасно лето за сите оние кои ја сакаат и ја доживуваат Барселона на кој било начин.

Потсетуваме, Рудигер со Челзи ги освои Лигата на шампионите, Суперкупот на Европа, Европската лига, Светското клупско првенство и два трофеи од ФА Купот, а член на сините е од сезоната 2017/18 кога дојде од Рома. Играше и за Штутгарт во Бундеслигата.