Тајсон Фјури: Се враќам во Англија за да го уништам Џошуа, но тој и неговиот тим сакаат да го откажат дуелот

Тајсон Фјури даде сензационална изјава, тврдејќи дека неговиот долгоочекуван дуел против Ентони Џошуа е во сериозна опасност. Во четвртокот конечно беше потврдено дека борбата во тешка категорија меѓу двајцата британци, Фјури и Џошуа, ќе се одржи на стадионот „Принсипалити“ во Кардиф, во петок на 11 декември.

Турки Алашик, клучна фигура во боксот во Саудиска Арабија, објави дека се финализирани деталите за борбата меѓу двајцата најдобри боксери во тешка категорија на нивната генерација, но Фјури изнесе изненадувачко тврдење дека натпреварот може да биде откажан.

“Последна вест: Ентони Џошуа и Еди Хирн се обидуваат да се повлечат од борбата,” рече Фјури. Понатаму, тој додаде: „Тие велат дека нема да се борат повеќе. Ова главно има врска со егото на Еди Хирн. Тој измислува различни работи и се заканува дека нема да се бориме“.

„Циганскиот крал се враќа во Обединетото Кралство за да те уништи пред сите мои навивачи во Велс, додека ти наоѓаш милион изговори. Турки Алашик наоѓа други алтернативи, вистински мажи кои се подготвени да се борат на првата понуда. Се надевам дека сте среќни”, рече Тајсон Фјури.