Тарик Мухаремовиќ нов играч на Јувентус!

Младиот репрезентативец на Босна и Херцеговина, Тарик Мухаремовиќ (18), е нов играч на Јувентус.

Талентираниот дефанзивец потпиша договор со гигантот во Торино до летото 2025 година и се приклучи на младиот тим на италијанскиот гигант.

Мухаремовиќ се приклучува на Јувентус од австрискиот Волфсбергер, каде минатата сезона одигра шест натпревари во Бундеслигата.

https://twitter.com/JuventusFCYouth/status/1425140001499750405

Скаутите на Јувентус не беа имуни на неговите одлични игри и одлучија да го доведат во своите редови и со него беше потпишан четиригодишен договор.

Мухаремовиќ имаше право да игра и за Словенија, која се бореше овој 18-годишник да игра за таа земја, но на крајот реши да избере со срце, и го облече дресот на репрезентацијата на БиХ.

Талентираниот дефанзивец играше во младински категории за екипите на Австрија Картнен и Австрија од Клагенфурт, а во 2019 година се пресели во Волфсбергер.

Тој дебитираше за првиот тим во април оваа година во дуелот против РБ Салцбург.

Јувентус е огромен чекор во неговата кариера за млад фудбалер, а тој ги одби понудите од Хофенхајм, ЛАСК, Галатасарај и Бешикташ поради гигантот од Торино.