Тодибо: Не дававме се од себе против Меси на тренинг, не смеевме да го повредиме

Фудбалерот на Барселона позајмен во Шалке, Жан-Клер Тодибо изјави дека фудбалерите на Барселона не го даваат максимумот против Лионел Меси на тренинзите, бидејќи не смеат да го повредат Аргентинецот.

Лионел Меси останува највлијателниот играч и лидер во составот на Барселона, кој е клучен во натпреварите на Каталонците и покрај тоа што се приближи до неговиот 33 роденден.

Сепак, тој имаше некои проблеми со повреда на почетокот на оваа сезона 2019/20 и не беше во можност целосно да се опорави од тие повреди до октомври.

Оттогаш, капитенот на Аргентина игра клучна улога во потрагата на Барселона да обезбеди што повеќе трофеи оваа сезона, со своите 17 голови на 20 настапи во сите натпреварувања.

Тодибо – кој е на заем во Шалке до остатокот од сезоната – вели дека составот на Барселона презема чекори за да ги избегне повредите на Меси на тренинзите, со оглед на неговата важност за Каталонците.

„Сите знаевме дека не смееме да го повредиме“, рече Тодибо во интервју за германскиот весник „Билд“.

„Научив многу од Меси и исто така ја украдов топката од него неколку пати за време на тренинзите. Но против Меси не давав се од себе, никој не сака да го повреди.“

Тодибо не успеа да се избори за минутажа на „Камп Ноу“ по неговиот трансфер од Тулуз, сега Шалке има опција да го купи на крајот од позајмицата ова лето за 25 милиони евра.