Топџиите без милост во Јоркшир: Лидс прими 11 гола на два натпревари

Во 18. коло од Премиершип, Арсенал го декласираше Лидс Јунајтед.

Се започна во 16. минута кога Мартинели погоди за 0:1 на асистенција на Лаказет.

Истиот играч погоди во 28. минута за 0:2, а сега асистент беше Џака.

Нокаутот на Марсел Биелзе го режираше Сака во 42. минута и беше резултат 0:3 на првото полувреме.

Надеж за домаќините во 75. минута и донесе гол на Рафина од пенал за 1:3, но целата надеж за тимот од Јоркшир ја укина Смит Роу во 84. минута кога го искористи додавањето на Одегард и ја затресе мрежата за конечни 1:4.

Лидс на два меча прими дури 11 гола и тоа е голем аларм за тимот.