Топката може да помине, но играчот не: Роналдо го избра најдобриот дефанзивец досега

Луис Назарио да Лима Роналдо е можеби најдобриот фудбалер во историјата.

Роналдо ги има сите атрибути да биде избран за најдобар досега и покрај тоа што не можеше да го даде својот максимум поради тешките проблеми со повредите.

Легендарниот Бразилец играше во генерацијата со најдобрите дефанзивци во историјата на фудбалската игра, но не се сомневаше во изборот на најтешкиот ривал.

Кога беше член на Интер на градските дерби, водеше митски битки со Паоло Малдини, познатиот капитен на Милан.

Малдини е познат како најелегантниот дефанзивец што го дал фудбалот, но кога ќе се најдеше во дуел со Роналдо, мораше да користи валкани потези.

Бразилецот беше толку вешт со топката што секогаш наоѓаше начин да го помине ривалот, но и да го направеше тоа Малдини, ќе го собореше или ќе му го грабнеше дресот.

“Малдини е најтешкиот дефанзивец со кој сум се соочил. Тие одеа еден по друг кога и да игравме. Понекогаш успевав да го надмудрам, понекогаш не. Тој беше најдобар”, изјави Роналдо.

Малдини целата своја кариера ја помина во Милан. Тој 25 години го носеше дресот на првиот тим на Росонерите. Со еден од најголемите клубови на денешницата успеа да освои повеќе од 20 трофеи. Дури пет пати ја освои Лигата на шампионите.

Тој беше рекордер во Серија А по број на настапи (647) додека во 2020 година не беше престигнат од вториот легендарен фудбалер Џанлуиџи Буфон.

Не беше толку успешен со репрезентацијата на Италија. Го загуби финалето на Светското првенство во 1994 година и финалето на ЕУРО 2000 година. Светското првенство во 2002 година беше неговиот последен настап во дресот на Италија.

По пензионирањето извесен период играше тенис, а неколку години ја извршуваше директорската функција во Милан и може да се каже дека Росонерите полека но сигурно се враќаат на патеките на старата слава.