Тотенхем го совлада Манчестер Јунајтед во меч со седум голови, Сон погоди директно од корнер (ВИДЕО)

Тотенхем се пласираше во полуфиналето на ЕФЛ купот со победата од 4:3 против Манчестер Јунајтед, а Хеунг-мин Сон постигна гол директно од корнер. Спарс водеа со 3:0 по 54 минути игра, благодарение на двата гола на Доминик Соланке и еден на Дејан Кулушевски, а потоа се чинеше дека натпреварот е завршен. Сепак, Џошуа Зиркзе и Амад Диало ја вратија неизвесноста во мечот со два гола, но сите сомнежи околу победникот ги отстрани Хеунг-мин Сон со гол од корнер во 88. минута од натпреварот.

Тоа не беше крајот на головите на овој натпревар, бидејќи Џони Еванс го постави конечниот резултат на натпреварот во четвртата минута од судиското надополнување. Покрај Спарс, во полуфиналето се и Арсенал, Њукасл и Ливерпул.