Тренерот на ПСЖ одамна нема вака зборувано за Нејмар

Тренерот на ПСЖ, Томас Тухел го пофали бразилецот Нејмар.

Нејмар беше близу да го напушти Париз минатото лето, но на крајот остана во ПСЖ и, и покрај тврдењата дека бил многу несреќен и немотивиран, се случи спротивното.

Бразилецот игра одлично, во последно време станува клучен играч во францускиот шампион, а тоа го гледа и самиот тренер Тухел.

“Постојат многу зборови што можат да го опишат Нејмар. Тој е клучен играч за нас. Тој затвора слободен простор, работи на одбрана. Тој е лидер на тимот и мислам дека ова е негово време”, рече Тухел, додавајќи:

„Верувам дека фудбалот се заснова на тимска игра. Напаѓаме заедно и се браниме заедно. Ние сме опасен тим, ако тоа е она што сакаме да бидеме. Вие не можете да освоите големи титули додека не станете тим“

Оваа сезона Нејмар има одиграно 12 натпревари во лига и има 11 гола и пет асистенции.