Тренерот на ПСЖ за ждрепката: Тие се спектакуларен тим

Тренерот на ПСЖ, Томас Тухел ја коментираше ждрепката во четвртфиналето од Лигата на шампионите.

Завршницата на елитното клупско натпреварување ќе се игра од 12 до 23 август на стадионите на Бенфика и Спортинг, а следната пречка за парижаните до трофејот со „големи уши“ ќе биде Аталанта.

Францускиот тим е фаворит, без сомнение во тоа, сепак Томас Тухел стои цврсто на земја.

„Аталанта е спектакуларен тим. Тие прават силен притисок и постигнуваат многу голови. Мораме да бидеме подготвени и да играме внимателно. Ние сме во четвртфиналето и ние сме тука да одиме понатаму“, рече Тухел.

ПСЖ, за разлика од Аталанта, не се грижи за сезоната затоа што францускиот шампионат беше прекинат претходно поради пандемијата на коронавирусот. Тимот на Тухел беше прогласен за шампион.