Цело лето поради него го критикуваа, а вчера Салихамиџиќ конечно ги дочека своите пет минути

Баерн летово потроши дури 20 милиони евра за Махис Тел, а на многумина не им беше јасно зошто дадоа толку пари за тинејџер.

Тел во минхенскиот клуб пристигна од Рене каде што настапуваше, а за првиот тим на овој клуб дебитираше дури минатата година. Но и покрај тоа Баерн реши да го доведе овој 17-годишен напаѓач и да го плати дури 20 милиони евра.

Јавноста во Германија на почетокот го критикуваше Хасан Салихамиџиќ што потрошил толку пари на тинејџер кој се уште не се докажал на големата сцена, но очигледно е дека Салихамиџиќ уште од самиот почеток верувал во него.

За каков талент се работи најдобро говори фактот што клубот летово одби да го испрати на позајмица иако имаа понуда, па беше одлучено тој да биде дел од првиот тим и да се бори за минутажа.

Тел покажа дека има голем потенцијал вчера кога првпат играше за Баерн од првата минута и постигна гол во ремито против Штутгарт (2:2).

Така Тел на 17 години стана најмладиот стрелец во историјата на Баерн што се однесува до Бундеслигата, а по натпреварот Салихамиџиќ можеше да им се смее на сите кои го критикуваа за доведувањето на младиот Французин.

“Тој има само 17 години, но има квалитети кои ги немаат многу играчи во светот. Мислам дека тој е најголемиот талент во Европа на позицијата напаѓач. Тој има навистина огромен потенцијал и инстинкт да биде голем играч”, изјави Салихамиџиќ по натпреварот против Штутгарт.

Bayern director Hasan Salihamidžić on Mathys Tel: “He's 17 but he has qualities that not many in the world have. In my opinion, he is the best talent in Europe in this position”, tells @SPORT1_Dopa. ⭐️🇫🇷 #Bayern

“He has the potential and the instinct to be great”. pic.twitter.com/ycbnnfqj4c

— Fabrizio Romano (@FabrizioRomano) September 11, 2022

Тел во досегашниот дел од сезоната одигра четири натпревари во сите натпреварувања и постигна два гола.

Иако е свесен дека сезонава најмногу ќе биде резерва, јасно е дека сака да ја искористи секоја прилика за игра, а на почетокот на сезоната му оди навистина добро.