Црвен танц во Ливерпул: „Црвените“ ги декласираа „карамелите“

Во дербито помеѓу Евертон и Ливерпул во вонредното 14. коло од Премиер лигата, Црвените славеа со 1:4 и продолжија со одличните игри оваа сезона.

Избраниците на Јирген Клоп подобро го отворија натпреварот и во првите осум минути создадоа три убави прилики пред голот на Евертон и направија вистинска опсада на голот на Карамел.

Круната на тие напади дојде во деветтата минута кога Хендерсон погоди за 0-1 на асистенција на Робертсон.

По голот Ливерпул продолжи во исто темпо, а во 19. минута направи одличен контранапад. Хендерсон со одлична асистенција го ангажираше Салах, кој рутински погоди за 0:2.

Евертон малку се разбуди по вториот гол на црвените, имаше една шанса преку Греј, а споменатиот играч успеа да ја затресе мрежата на Ливерпул во 38. минута на асистенција на Ричерлсон и беше 1:2.

Следуваа и многу други можности. И Евертон почесто се закануваше, но одбраните на двата тима беа многу сигурни до 64. минута.

Во споменатата минута домашната одбрана направи една грешка, која ја искористи Салах и го постигна вториот гол на натпреварот за 1:3.

Уште еден удар за „Карамелите“ во 79. минута. Робертсон го ангажираше Јота, кој мајсторски погоди за 1:4.

До крајот на натпреварот Ливерпул имаше уште две убави шанси преку Мане и Салах, но останаа конечните 1:4.