Тухел беше прашан дали Роналдо доаѓа во Челзи, а неговиот израз кажува се

Кристијано Роналдо не се појави на почетокот на подготовките на Манчестер Јунајтед за новата сезона и веќе на сите им е јасно дека ќе го напушти овој клуб.

Роналдо ги изненади сите со тоа што реши да не се појави на почетокот на подготовките и одби да отпатува со тимот во Азија каде Манчестер Јунајтед ќе одигра неколку подготвителни натпревари.

Португалецот побарал трансфер од првиот човек на клубот бидејќи сака да си замине од Олд Трафорд по само една сезона и целта му е да замине во клуб кој следната сезона ќе игра во Лигата на шампионите.

Како што стојат работите, новиот тим на Роналдо ќе биде Челзи и англиските медиуми очекуваат дека „сините“ наскоро би можеле да го официјализираат доаѓањето на овој 37-годишен фудбалер на „Стемфорд Бриџ“.

Тренерот на лондонскиот клуб Томас Тухел бил запрашан од еден навивач дали Роналдо доаѓа во овој клуб, а тој прво се насмеал на прашањето и кратко одговорил „Не можам да ви го кажам тоа“.

🚨Exclusive We asked Thomas Tuchel" Are we signing Cristiano Ronaldo ? "
Thomas Tuchel " Iam not gonna tell you [ Laughs ] " 👀🤔

Credit instagram :@ chelsea_tid

#BluesInTheUSA #CR7 #CFC pic.twitter.com/kgYG08LgWt

— Mo. kasem (@Hazard10_CFC) July 10, 2022

Сепак, навивачите на Челзи веруваат дека насмевката и изразот на лицето на Тухел кажале доволно и се сигурни дека Роналдо на крајот ќе потпише за сините каде сигурно ќе биде огромно засилување за новата сезона.

Покрај Челзи, искусниот напаѓач се поврзуваше и со ПСЖ и Баерн, но не доби официјална понуда од овие клубови.