УЕФА го потврдува бојкотот кон ФИФА со остра изјава: Ја изгубивме довербата во Инфантино

Судирот помеѓу УЕФА и ФИФА, со Џани Инфантино во центарот на полемиките, продолжува да се продлабочува. Изјавата што неодамна ја објави ФИФА не ја промени позицијата на УЕФА, предводена од Александер Чеферин, која останува решителна да ги бојкотира натпреварите на ФИФА. Иако ФИФА го призна грешката во врска со проектот за приватизација на Светското првенство, таа ја повтори „целосната поддршка“ за Инфантино.

„Изјавата на ФИФА не менува ништо,“ – подвлече УЕФА. – „Федерациите членки на УЕФА беа многу јасни за условите што се поврзани со непартиципирање во натпреварите на ФИФА. Прво, предлозите за приватизација на главните натпреварувања требаше да се повлечат. Второ, требаше да се гарантира дека ваквите обиди за изобличување на фудбалот нема да се повторат никогаш повеќе. Овие услови не се исполнети“.

УЕФА дополнително истакна: „Во нашата саботна изјава јасно нагласивме дека ја изгубивме довербата во претседателството на Џани Инфантино. Овој став останува непроменет. Вчерашното соопштение, според кое некои лица вработени од претседателот на ФИФА (чии кариери зависат од неговата поддршка) се согласни со него, не менува ништо“.