Уште еден неуспех на Сити

Лидс Јунајтед и Манчестер Сити ремизираа (1:1) во мечот од 4. коло на англиската Премиер лига.

На навистина фантастичниот натпревар обезбеден од овие два тима, на крајот немаше победници и вистинско чудо е што овој натпревар заврши со само два гола.

Сити доминираше во првото полувреме. Тие постигнаа гол преку Стерлинг во 17-та минута од натпреварот, и иако имаше уште шанси до полувремето, гостите заминаа со минимална предност.

Сепак, Лидс виде дека граѓаните имаат големи проблеми во одбраната. Тие започнаа силно во второто полувреме и со голот на Родриго во 59. минута израмнија.

Во продолжението, Едерсон го спаси Манчестер Сити. Голманот на Сити се искупи за грешката што ја направи на голот со нереални одбрани и на крајот е најзаслужен што неговиот тим не претрпе тежок пораз.

Дури и Ел Локо Биелса не може да биде задоволен од напаѓачката игра на нивниот тим бидејќи пропуштија огромен број на шанси со кои можеа да освојат три бода.