ВАР го „уништи“ Порто, мало изненадување видено во Севиља

Во средата навечер се одиграа првите два натпревара од осминафиналето на Европската лига.

Во Порто, домашната екипа ги угости Лион и во еден многу интересен натпревар претрпе пораз со минимални 1:0.

Голот на одлука го постигна Лукас Пакета во 59. минута, но чудо е што се виде само еден гол, бидејќи дуелот изобилуваше со шанси на двете страни. За продолжение Порто стигна до гол, но ВАР го поништи поради недозволена позиција. Петнаесет минути претходно, исто така, на знакот на ВАР, судијата ја смени одлуката и му одби пенал на Порто.

Лион ги задржа тие 1-0 и ќе има малку полесна работа пред реваншот во Франција, но моментално е поблиску до пласман во четвртфиналето отколку тимот кој во минатото го освојуваше ова натпреварување. Од 16-те преостанати екипи во Лига Европа, само Порто и Севиља освоија трофеи.

Гостите славеа и во вториот вечерашен натпревар. Ајнтрахт Франкфурт беше подобар од Бетис во Севиља со 2:1.

Филип Костиќ ги доведе гостите од Германија во водство со спектакуларен гол во 14. минута, а во 30. минута Набил Фекир израмни на 1:1.

Само две минути подоцна Камада им ја врати предноста на Германците кои можеа и поубедливо да победат, но Боре не искористи пенал во 52. минута.

Лига Европа, осминафинале, прв натпревар:
Порто – Лион 0:1
Бетис – Франкфурт 1:2