Connect with us

Фудбал

„Веројатно ќе се преселев во Манчестер Јунајтед доколку Рајан Гигс не играше 200 години“.

Норвешкиот фудбалер Мортен Гамст Педерсен е сеуште активен иако има веќе 40 години, а многумина го паметат по неговите одлични игри во дресот на Блекбурн Роверс.

Педерсен минатата година потпиша за норвешкиот клуб Алта АФ, со кој има договор до крајот на оваа сезона, а се очекува искусниот играч за врска официјално да објави крај на кариерата.

40-годишникот ги помина своите најдобри денови во дресот на Блекберн за кој играше девет години додека овој клуб беше стандарден член на Премиершипот.

Педерсен пристигна во Блекбурн летото 2004 година од Тромсо за нешто повеќе од два милиони евра и се покажа како одлично засилување на англискиот клуб.

Одигра дури 349 натпревари во дресот на Блекбурн, а последниот натпревар за овој клуб го одигра на 4 мај 2013 година против Бирмингем во Чемпионшип и после тоа се пресели во Карабукспор.

Педерсен обезбеди одлични игри во дресот на Блекбурн, поради што беше цел на неколку англиски клубови, а најмногу се поврзуваше со трансферот во Манчестер Јунајтед.

Сепак, неговото заминување на „Олд Трафорд“ никогаш не се случи, а Педерсен тврди дека Рајан Гигс е главниот „виновник“ за тоа.

„Не е тајна дека сум навивач на Манчестер Јунајтед уште од дете и дебитирав за Блекбурн на Олд Трафорд. Знам дека Фергусон зборуваше убаво за мене тогаш и Јунајтед беше заинтересиран да ме доведе. Има многу шпекулации за сето тоа, и Јунајтед покажа интерес додека јас се уште бев во Тромсо“, вели Педерсен, додавајќи.

„Но, Фергусон тогаш рече дека не ме донесоа затоа што Кристијано Роналдо дојде во клубот тоа лето и покрај него беа Гигс и Киран Ричардсон. Имаше интерес подоцна, но немаше трансфер. Најверојатно ќе играм за Манчестер Јунајтед Гигс не играше 200 години на врвно ниво“.

Педерсен беше во Карабукспор две години, а потоа потпиша за Розенборг. Тој се врати во Тромсо на почетокот на 2016 година, а потоа потпиша за Алта минатата година. Во дресот на норвешката репрезентација одигра 82 натпревари и постигна 17 голови.

Реклама

Facebook

Реклама
Реклама